Денеска на социјалните мрежи актуелниот Градоначалник на општина Делчево Горан Трајковски се пофали со почеток на изградба на репрезентативна фонтана во центарот на Делчево. Според информациите на градоначалникот во наредните 6 месеци економскиот оператор кој што е избран за изведувач на градежните работи има обврска да ја заврши изведбата на фонтаната која што според потпишаниот договор ќе чини 3.087.229,00 денари со вклучен ДДВ. Дел од сретствата за изработка на оваа фонтана се обезбедени од Буџетот на општина Делчево а дел се обезбедени од донации.
“Фонтаната е проектирана во формата бесконечност и одраз на модерно и современо Делчево. Идејното решение за фонтаната е уште еден несекојдневен производ на делчевската архитектонска фирма ГП „Архитекти“ и дипл.инж.арх. Гоце Попов, чиј потпис стои и на архитектонското решение на новиот градски пазар во Делчево. Со ова идејно решение, се внесува живост, динамика, естетика и го оплеменува околниот простор, а со тоа ја реобликува и новата градска слика и го привлекува вниманието на минувачите и посетителите.По начинот на функционирање, фонтаната е замислена да биде со затворен систем, односно предвидено е да врти една иста количина на вода од приближно 7м3 и да ја филтрира преку своја филтер– централа. Гледана во основа, димензиите на фонтаната се 4 метри ширина и 6 метри должина не сметајќи ја подземната помошна просторија. Висината на металната структура е 350 см, висината на базисот 45 см . Вкупната висина на целата фонтана е 395 см.”
-информира актуелниот градски татко на Делчево на социјалните мрежи во врска со фонтаната.
Во коментари на неговата објава на фејсбук, повеќе граѓани побараа изградба на улици во нивните населби за да не мора да газат секојдневно кал наместо изградбата на оваа фонтана.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево