Поради високите температури низ цела држава се зголемува и опасноста од избувнување пожари на отворен простор, пред сѐ во планинските предели, па така на подрачјето што го покрива Полициската станица од општа надлежност – Кочани, има зголемена појава на пожари.
Полициската станица од општа надлежност – Кочани апелира до граѓаните од општините на подрачјето на ОВР Кочани да бидат внимателни ако се движат и работат во поле, да не ги палат отпадоците, меѓите и стрништата на нивите и да не фрлаат неизгасени догорчиња.
Во пресрет на празниците Св. Петка и Св. Пантелејмон, кога се очекува зголемена фреквенција на луѓе низ планинските населени места на подрачјето на општина Кочани, потсетуваме дека на сила е забраната за движење во шума и забраната за палење оган на отворен простор, а секое недозволено движење во шума без соодветна дозвола од Шумското стопанство е казниво.
ОВР Кочани апелира секое неодоговорно однесување со оган што ќе го забележат граѓаните да го пријават на телефонските броеви 112 и 193.
Заради сузбивање на негативните појави ПС Кочани ќе врши зајакнати контроли на теренот, а против прекршителите на позитивните законски регулативи ќе бидат преземани сите законски мерки.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година