Комисијата за заразни болести при Министерството за здравство во врска со потврдените два случаи на мајмунски сипаници, на денешниот состанок донесе препорака за самоизолација и здравствен надзор за двете заболени лица.
Дополнително, се следи состојбата на лицата кои биле во близок контакт со заболените и доколку пројават симптоми, истите ќе бидат тестирани за ова заболување во Институтот за јавно здравје.
Комисијата апелира граѓаните да ги почитуваат хигиенските мерки за лична заштита од заразни заболувања, а во случај на евентуална појава на симптоми на ова заболување да се јават кај својот матичен лекар.
Воедно, до матичните лекари ќе се дистрибуира информација за разработената патека за преглед, тестирање и згрижување на евентуалните пациенти.
Министерството за здравство и Комисијата за заразни болести во континуитет ја следат состојбата и благовремено и соодветно ќе реагираат. Наш приоритет е заштита на јавното здравје.
Креирано од:
СЛИЧНИ ОБЈАВИ
Министерката за финансии Гордана Димитриевска Кочоска со своја објава ја одбележа 34 годишнината од монетарната самостојност на Македонија
СДСМ: Градоначалникот на Крива Паланка мора да го праша народот – референдум за рудникот за антимон!
Петрушевски: Филипче на кој дома му е во Дубаи, не може да збори за патриотизам и државни интереси, дополнително само и штети на евроинтеграцијата на Македонија