Приказната „Македонијо во срце те носиме“ продолжува: Сузана Спасовска со моќна порака – „Нека живеј Македонија“

Имате потреба од нов веб сајт?

Приказната наречена „Македонијо, во срце те носиме“ продолжува да пулсира во истиот ритамот со уште една моќна изведба – овој пат тоа е безвременската патриотска тема „Нека живеј Македонија“, позната и под оригиналниот назив „Има една земја сонце што ја грее“, сега отпеана од Сузана Спасовска.

Композицијата, чии стихови се длабоко врежани во народната свест и љубовта кон татковината, е дело на реномираниот автор Григор Копров, а првично ја отпеа легендарниот Гоце Николовски во далечната 1986 година. Новата верзија, создадена со врвна музичка продукција од Николче Мицевски, претставува спој на традицијата и современото.

„Има една земја сонце што ја грее,
оди таму, в’ срце земи ја,
слушни вечна песна таму што се пее:
Нека живеј Македонија!“… се вели во стиховите кои се жив доказ за љубовта што македонскиот народ ја негува кон својата земја и тие не се само зборови, туку вечен завет на припадност, сплотеност и сила.

НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...

Проектот „Македонијо, во срце те носиме“ е повеќе од музика – тој е патриотска мисија, културно будење и звук на националното единство. Под уметничка закрила на Скендеровски продукција, Македонија се бои со најубавите бои – звуците на автентичната македонска песна. Со восхит и почит кон корените, овој проект досега ја пресоздаде емоцијата на некои од најмоќните композиции: „Не кажувај либе добра ноќ” (Огнен Здравковски), „Како пиреј” (Ламбе Алабаковски), „Се собрале комитите” (Миле Кузмановски), „Како што е таа чаша” (Спасен Силјаноски) „Ја излези стара мајко”(Марија Спасовска), „По друм одам мајче“ (Мина Блажев), „Горда Македонка“ (Зуица Лазова) и „Запејте сите ангели“ (Бојана Скендеровски).

„Македонијо, во срце те носиме“ е гласот на народот, инспириран од нашите предци, создаден за генерациите што доаѓаат, мост меѓу времињата, емоции впишани во секој акорд, затоа уживајте во „Нека живеј Македонија“ и гласот на Сузана Спасовска:

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts

Интернет портал за афирмација на земјоделието