Уставниот суд ја продолжува соработката со ИРЗ: Организирана работилница за зајакнување на капацитетите на Судот

Имате потреба од нов веб сајт?

Уставниот суд на Република Македонија, во соработка со германската Фондација за меѓународна правна соработка (ИРЗ), организира дводневна работилница за советниците на Судот кои работат по предмети. Во фокус е темата за уставната жалба и судската пракса за заштита на човековите права.

Работилницата со воведни обраќања, денеска ја отворија генералниот секретар на Уставниот суд, м-р Виолета Ѓорѓиевска и д-р Штефан Пирнер, раководител на проектот за Западен Балкан во ИРЗ.

Првата сесија е посветена на основите на уставната жалба, со дискусии за нејзината суштина и улога во уставно-судската заштита, како и за германските искуства кои можат да бидат применливи во македонски контекст. Предавачи на оваа тема се д-р Томас Клигел, претседавачки судија во Окружниот суд во Есен и поранешен научен соработник во Сојузниот уставен суд на Германија и д-р Оливер Гајслер, судија во Финансискиот суд на Баден-Виртемберг и поранешен научен соработник во истиот суд.

НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...

Вториот ден од работилницата предвидено е да го отвори Кевин Маас, раководител на политичкиот оддел во Амбасадата на Германија во Скопје и Кристоф Ниенхаус, проект менаџер во Одделот за Западен Балкан на ИРЗ. Во рамките на сесиите што ќе се одржат, ќе се разгледува судската пракса на Сојузниот уставен суд во Карлсруе од областа на човековите права, со акцент на одлуките кои имаат значење за европскиот правен контекст и нивната примена во националните правни системи. Работилницата се одржува во просториите на Уставниот суд на 15 и 16 септември 2025 година. 

Со оваа работилница, Уставниот суд и ИРЗ ја продолжуваат заедничката мисија за унапредување на стручните капацитети на советниците и зајакнување на уставно-судската заштита на човековите права во Република Македонија.

Оваа активност претставува продолжение на соработката со ИРЗ која веќе се потврди со одржувањето на Регионалната конференција за уставната тужба во Скопје во 2024 година. 

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts

Интернет портал за афирмација на земјоделието