Караванот за промоција на Македонската Рок Енциклопедија продолжува да ги “заразува” и понатаму македонските градови.
Во петок, на 29 јуни 2018, од 20 часот, во Галерија при Дом на култура “Иван Мазов – Климе“ Кавадарци ќе се одржи ексклузивна промоција на првата “Македонска Рок енциклопедија“, на авторот Тошо Филиповски.
Извонредна прилика да се слушне авторот, како еден од најдобрите познавачи на македонската рок музика, инаку долгогодишен музички новинар, организатор на рок концерти и фестивали и редок хроничар на македонските рок состојби. Секако, на присутната публика и сопствениците на единствената “Македонска Рок енциклопедија“ ќе им посвети особено внимание и потпишување на истата.
Промоцијата ќе има повеќе содржини. Меѓу другото, настап на двајца извонредни кавадаречки рок гитаристи Ристе Димитров (Smoke Shakers/Bad-Ass-All) и Виктор Кимов (Leksikon), прикажување на докуметарен филм за македонската рок музика од шеесетите и седумдесетите години на минатиот век, како и разговор со авторот за Македонската рок енциклопедија.
Креирано од:
Редакција 01
administrator
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот