Првиот заменик-претседател на Владата, Беким Сали, го посети Албанскиот театар по повод Меѓународниот ден на театарот, во рамки на активностите организирани за „Денови на отворен театар“.
За време на посетата, тој имаше можност да се сретне и со повеќе деца, кај кои јасно се забележуваше желбата и љубовта што оваа генерација ја негува кон културата и театарската уметност.
Заедно со директорот на Албанскиот театар, Исмет Рамадани, ги посетија внатрешните простории на институцијата, каде одблизу се запознаа со условите во кои се одвива уметничката работа, како и со посветеноста на персоналот за реализација на квалитетни претстави за публиката. Воедно, беше презентиран и процесот на подготовка на претставите, сценографијата, како и континуираната работа што стои зад секоја сценска изведба.
Посетата беше оценета како инспиративно искуство, при што беше нагласена важноста на театарот како простор за едукација, креативност и комуникација. Ентузијазмот на децата и младите беше истакнат како јасен показател дека уметноста и културата ќе продолжат да се развиваат и во иднина.
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина