Стево Пендаровски во улога на Претседател денеска во одговор на новинарско прашање го критикуваше назначувањето на полковникот Драган Ковачки за член на Извршниот комитет на ВМРО-ДПМНЕ.
Пендаровски кој што беше на времето пратеник на СДСМ во парламентот а сега е претседател со кој што опозициската ВМРО-ДПМНЕ ги има замрзнато своите односи поради негово ставање на страната на СДСМ за поедини политички прашања, смета дека назначувањето на Ковачки за член на највисокото извршно тело на опозициската партија е ситуација без преседан.
“Не постои ниту една Армија во светот чиј висок воен чин, полковник, се расправа за политика во медиуми со актуелниот министер за одбрана. Тоа го нарушува кредибилитетот на Армијата, но и довербата на граѓаните во институциите на системот.”
-рече Стево Пендаровски за јавноста при што дополни:
“Тоа е ситуација без преседан која мора час поскоро да се надмине. Срамна е за луѓето што ја прават, но е и девастирачка за имиџот на институциите. Ако најавените измени во Законот за служба во Армијата се во оваа насока, поддржувам каква било потребна нормативна измена што тоа ќе го спречи. Ако сте кандидат на избори, во време на кампањата сте ослободени од армиските должности и во тој период сте политичар или кандидат за политичка функција. Излезете надвор од инситуцијата, влезете во политика, организирајте се самостојно или во политичка партија и можете до утре сабајле да коментирате. Кога сте внатре во структурата на Армијата, особено во еден ваков чувствителен сектор како што се Армија, полиција, тогаш тоа е ситуација без преседан”.
Каква е таа квалификација “без преседан” и дали воопшто истата постои во правниот промет во државата е многу тешко да се разоткрие, но останува симптоматичен фактот што поранешен висок партиски функционер на СДСМ зборува од името на Претседател за разграничување на политички и државни функции.
Поради ваквата состојба и политички ангажман на Драган Ковачки за кого важи загарантираното уставно право за политичка слобода на изразување, Радмила Шеќеринска како Министер за одбрана а поранешен претседател на СДСМ најави измени во законот за служба во армијата.
Стево Пендаровски со Шеќеринска се двајца од четворицата најмоќни луѓе во државата (покрај Зоран Заев и Оливер Спасовски) кои што се кренаа против Драган Ковачки и неговиот политички ангажман.
