Во организација на Општинскиот Комитет на ВМРО-ДПМНЕ од Берово и Месниот комитет на партијата од село Русиново на 23.12.2023 година (сабота) ќе се реализира традиционалниот планинарски марш “По врвиците на војводата Дамјан Груев 2023”
Преку објава на социјалните мрежи организаторите ги повикуваат сите следбеници на револуционерното дело на Дамјан Груев да бидат дел од настанот:
“Доколку не би постоеле големите луѓе и големите датуми во историјата на Македонија, би се изгубила можноста за наше препознавање меѓу нациите, бидејќи без нивните подвизи, дела и херојства би била празна историјата и културата на нашиот народ. Во чест на Македонскиот револуционер, борец за слободна Македонија Даме Груев, кој на 23-ти Декември 1906 година го загуби својот живот во борбата за слободна Македонија на планината Петлец во близина на Русиново, Ве покануваме заедно да ја одбележиме 117 годишнината од неговата погибија. Со особена чест и задоволство Ве известуваме дека делегацијата на ИК на ВМРО-ДПМНЕ ќе биде предводена од претседателот Христијан Мицкоски.
23.12.2023(сабота)
09:00 Собирно место мегдан во село Русиново
09:15 Панихида на чест на Војводата на селските гробишта
09:45 Положување на свежо цвеке
10:15 Тргнување кон местото на загинувањето на Војводата”
-стои во соопштението на организаторите објавено на фејсбук
Креирано од:
СЛИЧНИ ОБЈАВИ
Сообраќајна акција „Алкохолот и воланот не се добар пар“
Иван Гоцевски: Горане Трајковски одвои 15 минути време и исплати им ги утужените надоместоци на пожарникарите кои им следуваат со закон
Во Делчево продолжува вербалната битка меѓу Градоначалникот Трајковски и Претседателот на ОК на ВМРО-ДПМНЕ Делчево Гоцевски