Претседателот на ВМРО-ДПМНЕ Христијан Мицкоски во врска со денешното потпишување на срамниот капитулантски договор од страна на Зоран Заев од страна на Република Македонија, на фејсбук излезе со свое обраќање:
„Големо ни е името, ќе сакаат да ни го земат” велеше Блаже Конески
“Не е срамно ако умреме до еден, но голем срам е ако останеме без нашето име” пишуваше Петре М Андреевски
“Ој, Македонијо, колку ли уште ни треба за да те домакедончиме! ” порачуваше Гане Тодоровски.
“Стиснете ги тревките неја ќе ја исцедите. Наслонете се врз каменот името ќе ѝ го чуете” говореше Анте Поповски…..
И сигурно ќе се запрашате зошто во изминатите неколку дена објавував стихови за Македонија. Одговорот е затоа што и Коневски, и Андреевски, исто како и Гане, Анте, Матески, Мисирков и многу други големи имиња како овие пишуваа и оставија аманет за Македонија. Со неспорен интелект и маестрална вештина.
Денес гледаме како еден човек кој е на позицијата премиер прави чекор со кој овие величини сака да ги помножи со нула, нивното творештво и аманет да каже дека се погрешни, но и како еден народ и земја со некаков договор сака да ја преименува.
И не е само овој единствениот проблем. Државата оди во неповрат, и ќе породолжи да оди со ваква власт и нема да биде подобро, затоа што освен овој договор, и ништо друго нефукционира. Економија, здравство, образование…а промената што сакате да ја видите во државата почнува од секој од вас, од вашиот став и размислување и вашата сила е поголема од секоја друга.
И после потпишувањето на договорот граѓаните ќе продолжат да живеат лошо.
Македонија пребродила во својата историја многу Заевци, ќе го надмине и овој. Но неговиот срам ќе остане!
Се гледаме денес во Битола 13.30 часот.
-напиша на својата фејсбук страна Христијан Мицкоски.
Креирано од:
Редакција 01
administrator
СЛИЧНИ ОБЈАВИ
Јавен повик за проектни апликации наменет за правни и физички лица од редовите на дијаспората, за 2026
Мециновиќ порача дека назначувањето на вмровецот Ацо Ристов за претседател на РКЕ ќе го оспори пред Енергетската заедница
Уставниот суд го поништи Законот за изменување на Законот за платите на судиите донесен во февруари 2026 година во Собранието