Јапонските графики од т.н. Лебдечки свет биле главниот виновник за првичната посета и средба на општина Виница со Јапонската амбасадорка Ханада. Како почесен гостин во рамките на отварањето на изложбата на УКИЈОЕ уметници во организација на Музеј “Теракота“. Амбасадорката имаше и официјална средба со градоначалникот Димитров. Во врска со нејзината посета на општината , тој изјавил: “Денес имавме убава и ретка можност да се запознаеме со еден сегмент од јапонската култура, но и да ја продлабочиме соработката со јапонската амбасада.
Разговаравме за аплицираните проекти од наша страна на повикот од амбасадата, а кои се однесуваат на реконструкција на кровот во ОУ “Никола Парапунов, како и на реконструкција на ОУ “Гоце Делчев“, искрено се надеваме дека ќе ја добиеме посакуваната подршка “. Посетата на Виничко кале ја доближила до приказната и историјата на овој град, кој за првпат се најде во нејзината агенда, “Како што можев да чујам и да видам, вие сте едни од поголемите производители на нашата главна храна –оризот, и тука веќе ја гледам нашата поврзаност и близина. Во Виница има што да се види, се надевам дека јапонски туристи ќе го посетат вашиот град, а се надевам дека и луѓето од Виница ќе ја посетат Јапонија“- истакна амбасадорката г-ѓа Кеико Ханада при посетата.
Во интерес на идната соработка, во музејот “Теракота“ , Градоначалникот Димитров и врачи копија од теракотните икони и примерок од виничката монографија.
