“Калата” е бендот а “Филка мома” е волшебната песна која ќе ве стопли во овие студени зимски денови

Имате потреба од нов веб сајт?

Македонскиот етно-џез состав “Калата” не седеле со “скрстени раце” изминатиот период, па направиле ново музичко дело што се надоврзува совршено на нивното досега скромно (по квантитет) но жестоко (по интензитет) портфолио.

Дека Македонската традиционална песна има моќ на универзална вредност која на различен начин може да допре до многу поспецифична публика со особено истанчен вкус за музички аскетизам, се најубав доказ луѓето кои стојат зад проектот наречен “Калата”.

Најновото музичко чедо на екипата на Симеон Ангеловски- Шоле како и нивните претходни музички остварувања својата нераскинлива инспирација ја крепи во битот на традиционалната македонска песна, преработена до ниво на суптилна естетика низ етно-џез инструментални варијации и мелодиски линии.

НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...

Како тивок вулкан се чувствува дека овој музички состав има во себе многу повеќе енергија која знае да ве разгали до ниво кое што останува длабоко врежано во свеста на слушателот, како епски приказ на сегменти од славната историја на народот на ова наше Македонско поднебје. Секако раскошот на традицијата е носечки столб на инспирација но младешкиот креативен порив дава огромна доза на нескромен елитизам на целокупниот музички производ кој што е пласиран веднаш после најлудата ноќ во годината. На тој начин “Калата” како да сакаат да кажат дека и на ваков креативен начин може да се одбележи преминот на времето од една година во друга, за да остане сведок ова музичко дело на времето во кое било создавано.

“Филка мома” е песна која го збогатува раскошот на претходните “За појас”, “Ленче” и “Ка се заљубиле” на овој музички бастион на современа етно-џез приказна која интимно се надеваме дека ќе продолжи да се развива но во позабрзан тек.

ПС. Првиот студиски албум на “Калата” е “испечен” но густирањето на песните ќе биде малку поспоро од вообичаеното

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts