По десетчасовна битка со сите расположливи ресурси на Територијалната противпожарна единица – Кочани, со поддршка од Доброволното противпожарно друштво – Кочани, ТППЕ од Штип и Свети Николе, од Национални шуми, Центарот за управување со кризи и Дирекцијата за заштита и спасување – ликвидиран е пожарот на територијата на Чешиново-Облешево.
Командирот на кочанската ТППЕ Драган Апостолов соопшти дека од вчера, кога во 13:11 ч. пристигнала дојавата за пожар на отворено во атарот на селото Врбица, Единицата целосно била мобилизирана. Оганот зафатил сува трева и нискостеблеста шума и со ветерот брзо се ширел кон селото Соколарци, па по стручна процена била побарана помош од воздухоплови. Интервенцијата со авиони и хеликоптери помогнала пожарот да се локализира. Сепак, ветрот со променлив правец префрлил огнени јазици и кон злетовското село Бунеш, кон Свиланово и Рајчани. Дежурните екипи доцна во ноќта го стабилизирале огнот, а утрово тој е целосно ликвидиран.
Заблагодарувајќи им се на поддршката на сите служби и поединци, како и на месното население што доброволно се вклучило во гасењето на пожарот, командирот Апостолов потсетува на важноста на забраната за движење во шума и повикува на совесно и внимателно однесување со огнот, затоа што штетите од пожарите носат опасност по здравјето на сето население.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево