Министерот за одбрана Владо Мисајловски на пат кон Кичево најави реализација на нови огласи за вработување на нови кадри за внесување на нова свежина во редовите на армијата.
Станува збор за објавен оглас од денеска со кој што ќе се регрутираат нови 300 професионални војници и јавен оглас за ангажирање на нови 10 подофицери во Македонската армија.
Дополнително во наредниот период ќе биде објавен оглас за вработување на нови 60 офицери со завршено високо образование.
“Убав ден Македонијо!
Сакам да ве поздравам по пат накај касарната во Кичево каде што ќе направиме увид во градежните активности на дел од објектите кои се реконструираат, но и да најавам уште една убава вест до сите граѓани.
Премиерот минатата недела извести дека ќе објавиме конкурси кои ќе значат нова свежина во редовите на Армијата.
Затоа сакам да најавам дека денеска објавивме Јавен оглас за прием на нови 300 професионални војници и Јавен оглас за 10 подофицери во македонската Армија, а следува и огласот за прием на 60 лица со завршено високо образование во офицерски чин.
Ова е навистина одлична можност за сите млади и мотивирани мажи и жени од сите етнички заедници, кои сакаат својата работна кариера да ја посветат во заштита на мирот и безбедноста на државата и на граѓаните.”
-напиша на социјалните мрежи Владо Мисајловски- Министер за одбрана при Владата на Република Македонија.
Креирано од:
СЛИЧНИ ОБЈАВИ
ВМРО-ДПМНЕ со честитка по повод денешниот празник
Честитка од Социјалистичката партија на Македонија по повод 24 Мај Денот на Св. Кирил и Методиј
Министерството за здравство ја започна постапката за донесување на нова Стратегија за сексуално и репродуктивно здравје 2026–2030