Кандидатот за пратеник од редовите на ВМРО-ДПМНЕ и Коалицијата за Обнова на Македонија во третата изборна единица Никола Мицевски на прес конференција денеска ја промовираше мерката “СПОРТСКИ ДЕНАР” пред јавноста.
Станува збор за одвојување на еден денар од акцизата за нафтата и нафтените деривати кој со секојпотрошен килограм нафта ќе се слева во овој фонд за поддршка на спортот во државата.
На годишно ниво според пресметките на опозициската ВМРО-ДПМНЕ тоа би биле 2.5 милијарди денари одвоени за спортот во Македонија.
Дополнително Мицевски најави нов закон за спорт според најсовремените пракси во развиените земји преку кој спортот ќе доживее еден целосно нов лик и препород во наредниот период.
Дополнително Мицевски најави и инвестиции на идната влада предводена од ВМРО-ДПМНЕ во спортска инфраструктура и развој на капацитетите и човечките ресурси кои гравитираат околу спортот.
Во продолжение во целост ја пренесуваме прес конференцијата на Никола Мицевски:
“Се обврзуваме да ја реализираме мерката „СПОРТСКИ ДЕНАР“.
Одвојуваме еден денар за спортот од акцизата за нафтени деривати. За развој на спортот, спортската инфраструктура и науката во спортот. 2,5 милијарди денари годишно ќе бидат наменети за реализирање на оваа мерка.
Во наредниот четиригодишен период се обврзуваме да го развиеме спортот до степен да сите граѓани ги почувствуваат позитивните ефекти од него.
#ОдбериОбнова“

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година