Претседателот на ВМРО-ДПМНЕ, Христијан Мицкоски со дел од своите соработници присуствуваше на вечерната богослужба во црквата Св. Апостоли Петар и Павле во скопската населба Ѓорче Петров.
Ова е неговата објава во врска на настанот на фејсбук:
Во пресрет на Рожденството Христово Божиќ, бадниковата вечер ја поминав во црквата Св. Aпостоли Петар и Павле во Ѓорче Петров.
На православните верници им го честитам големиот празник, со искрени желби за добро здравје, бериќетна година и успеси. Она што го посакувам на секој еден од вас е да бидете среќни, заеднички да градиме иднина, и да покажеме одговорност кон нашата земја.
Сплотени, исправени да се издигнеме над неправдите, тешкиот живот, да ги победиме црнилата.
Нашата борба е за правда, за благосостојба и стандард, за квалитетно здравство и конкурентно образование, за приносно земјоделие, задоволни граѓани!
И покрај сите предизвици, и покрај сите премрежја, имајте спокојни празнични денови со вашите семејства.
Христос се роди!
Навистина се роди!
