Сѐ уште не можам да поверувам дека народот ,,падна” на приказните на Заев, Русковска, Спасовски и Мијалков. Вакво шоу за народ немало ни во најпрестижните театри ширум светот, а бога ми ни во кино салите.
Сценариото се одвива од прилика вака: Сашо добива дојава дека Обвинителството и МВР се спремаат да му издадат решение за притвор. МВР му дава фора од неколку часа да се сокрие на одредена локација (надвор од Македонија секако). Во меѓувреме, излегува информација дека Сашо е бегалец, се пушта потерница, а МВР ,, го бара” под дрво и под камен. И по автомобили на Качанички Пат, се разбира. Нели, мора да се направи еуфорија дека дека секој си ја работи работата и акцијата е во тек (ако се лажеме). Откако Сашо е на безбедно, почнуваат преговорите помеѓу него и Заев, за тоа колку треба да лежи во затвор, а доста веројатно е дека се преговара и со бизнис зделки, на народот веќе добро познати. Да не речам јавна тајна. После 2 дена преговарање и договарање, Сашо се враќа во Македонија, шета слободно и никој не смее ни да помисли да го приведе. Како и да е, претходно договорена ТВ екипа, блиска на власта, го пречекува Сашо со муабетот дали е во Македонија!? Па друже, да не беше во Македонија, ќе можеше интервју на столбовите пред Обвинителството да им правиш. Шоуто продолжува со објавување на спремен фб статус од Заев, кој е објавен дури една минута по објавеното видео. А сите знаеме дека толкав статус за човек со таков капацитет ќе одземе повеќе од една минута. А можеби и повеќе од 10. Но, како и да е, хепи ендингот на претставата е е со изјавата на истиот тој некапавитетен Заев, дека он водел со акцијата за пронаоѓање на Сашо и не му оставил шанса за ништо, освен да се пријави сам.
Па народе мој, вакво шоу, до ваква режија, сценарио и изведба не можат да направат Холивуд и Боливуд заедно. Спилберг, Тарантино и Бојаџи заедно ова не можат да го изрежираат. Циркус и театар се мали зборови за нашава мизерија. И мизеријата скапо ја плаќаме. А за жал, ништо комично нема во неа. Барем да се насмеевме, ако не друго.
