Општинскиот комитет на ВМРО-ДПМНЕ од Делчево предводен од Претседателот Горанчо Тодоровски, објавија повик за ажурирање на членовите на партијата од Делчево, како и зачленување на сите заинтересирани граѓани во партијата, за како што велат спротивставување на власта на Зоран Заев.
Во продолжение го пренесуваме интегрално повикот:
“Почитувани сограѓани, драги делчевчани,
пред сите нас заедно претстои динамичен период на огромни предизвици.
Проблемите кои ги предизвика актуелната власт на Зоран Заев во државата се со несогледливи последици по однос на стабилноста и просперитетот на граѓаните на Република Македонија.
Од “животот” за македонските граѓани ветен од СДСМ нема ни трага ни глас.
Време е со нова светлина да се спротивставиме сите заедно на црнилата кои ги донесе оваа ненародна власт.
ВМРО-ДПМНЕ уште еднаш започнува постапка за ажурирање на своето членство како дел од своите редовни работни и структурни активности.
Од името на членовите на Општинскиот комитет на ВМРО-ДПМНЕ Делчево, од мое лично име, како и во името на светоста на идеалот на ВМРО, Ве повикувам во просториите на Централниот штаб на ВМРО-ДПМНЕ во Делчево (зелената зграда во центарот на градот), да го ажурирате вашето членство во ВМРО-ДПМНЕ.
Партијата е отворена и за сите граѓани кои не се членови на ниту една политичка партија да се зачленат со што заеднички ќе создадеме нова посветла иднина за Делчево и Република Македонија.
Времето и околностите во кои живееме од нас бараат секојдневна работа и посветеност на предизвиците со кои се соочува нашето општество.
Само заеднички и обединети околу вистинските вредности втемелени во сржта на работењето на ВМРО-ДПМНЕ, со многу знаење и искуства, ќе можеме да создадеме одржлив развој за сегашните и идни генерации на нашиот град и Република Македонија.
Да го изградиме нашиот град во посакувано место за живот, со што е можно поголем број на можности и развој.
Сегашните и идните генерации заслужуваат подобро.
Со длабока почит и искрена надеж за севкупна соработка,
Претседател на Општински комитет на ВМРО-ДПМНЕ,
Ваш,
Горанчо Тодоровски”
