Претседателот на Општинскиот комитет на ВМРО-ДПМНЕ во Карбинци Виктор Паунов денеска на прес конференција побара од локалната власт и Градоначалникот пари од продажбата на државно градежно земјиште од општина Карбинци да бидат наменети за реализација на проекти кои што се насушна потреба за жителите на Карбинци и останатите рурални места во општината.
Во продолжение во целост го пренесуваме текстот на прес конференцијата на Виктор Паунов во врска со оваа иницијатива:
“Почитувани жители на општина Карбинци
Власта предводена од сдсм во изминатиов периодов се пофали дека продадоа неколку парцели во индуструската зона во Таринци и се здобија со приход од некаде 17.500.000 денари.
Признавајки ја слабата реализација на проекти предвидени во нивната програма и во буџетите низ годините, ние како опозиција бараме овие средства да бидат наменети за проекти кои граѓаните ги очекуваа овие 4 години.
Тука би ги побарале следниве проекти:
1. Уредување на одводниот канал ,,Герен” во Долни Балван;
2. Оградување и реконструкција на постоечкото фудбалско игралиште во Крупиште;
3. Изградба на училишна зграда во Таринци;
4. Завршување на градбата на мостот и пристапната улица во Карбинци;
5. Изградба на мост во с.Козјак”
