Во синоќешното интервју на ТВ АЛФА, потпретседателот на ВМРО-ДПМНЕ, Александар Николоски во врска со прашањето за бојкот или победа на ВМРО-ДПМНЕ на претстојните претседателски избори изнесе два аспекти кои според него се важни по однос на ова прашање:
Разликата е огромна. Во однос на ставовите за бојкот, има два сегменти на луѓе кои повикуваат. Едниот, далеку поголем за кој што имам разбирање се луѓе кои што се разочарани од сето ова што и’ се случува на Република Македонија. Република Македонија е четврта година во политичка криза, губат верба во политичарите и политиката и едноставно не сакаат да гласаат. И такви движења има секаде низ Европа.
Вториот, еден поминорен дел се луѓе кои што свесно или несвесно, работат во корист на Заев, затоа што од бојкот корист има само Зоран Заев.
Затоа што Зоран Заев доколку нема бојкот ќе изгуби на Претседателските избори, а доколку има бојкот, нема да даде предвремени парламентарни избори, како што дел од заговорниците зборуваат. Напротив, со 80-те пратеници кои што ги има во собранието ќе го промени уставот, да се бира претседател на државата во Собранието. Ќе си избере кој сака претседател на државата, ништо чудно Талат Џафери од Претседател на собранието да стане траен претседател на Република Македонија, не В.Д. туку со петгодишен мандат. После тоа во услови кога имаат локална власт, централна власт и претседател, во една апсолутна моќ и низ манири како овој вечерва што го покажуваат, низ притисоци да го цедат мандатот до последниот ден.
Тоа е планот на Заев. Нашиот план е да го победиме.
-одговори Александар Николоски на прашање од водителот на емисијата.
Овој дел од одговорот на Александар Николоски кој се однесува на тезата за бојкот или победа на ВМРО-ДПМНЕ на претстојните Претседателски избори може да го погледнете во 17:18 минута од емисијата “Отворено” на ТВ АЛФА.
Креирано од:
СЛИЧНИ ОБЈАВИ
СДС и грижа за спортот?
Јаневска: Со постоење на лажните дипломи, оние кои реално се градат интелектуално во своето образование ја напуштаат државата
Средба на Македонски пратеници со Пол Мекарти и Џејмс Карафано