Посетата на Претседателот на ВМРО-ДПМНЕ Христијан Мицкоски заедно со потпретседателот Александар Николоски на соседна Србија има повеќеслојно значење што е од интерес на Македонците кои живеат во соседните држави.
На настан организиран од Македонците во соседна Србија претседателот на ВМРО-ДПМНЕ ги согледал условите во кои што живеат и работат Македонците во соедната држава но и начинот на кој што ја афирмираат македонската традиција, култура и воопшто идентитет.
Ваквата посета покрај тоа што значи подобри односи на Македонија и Србија во периодот кога што следи, но уште повеќе е порака на позитивен пример на кој начин можат да се подобруваат односите и со Бугарија и со Грција и со Албанија каде што исто така живеат Македонци по род. Соработката меѓу Македонија и било која соседна држава може успешно да се развива преку подобрување на стандардот и условите за живот на Македонците во овие држави како мост за поврзување на двете различни култури и идентитетски вредности.
“Денес имав можност да видам Македонци во Србија, да поразговарам со нив и да заклучам дека тие како и Србите во Македонија се чесни и вредни луѓе, домаќини кои придонесуваат за земјата во која живеат, но и за земјата која е нивна татковина.
Македонија во иднина ја гледам како земја пријател, но и партнер со Србија кои ќе се борат кој повеќе ќе направи за благосостојбата на своите граѓани, бидејќи само таква здрава компетенција и натпревар може да придонесат за општото добро на регионот.”
-напиша на социјалните мрежи претседателот на ВМРО-ДПМНЕ Христијан Мицкоски.
Креирано од:
СЛИЧНИ ОБЈАВИ
ИСТОРИСКИ УСПЕХ ЗА МАКЕДОНСКИОТ ХИП-ХОП: НИНА ТАЛЕСКА Е СВЕТСКИ ВИЦЕШАМПИОН!
ДАЛИ СТЕ ПОДГОТВЕНИ за нова светска војна?
Интерес на воената индустрија на САД за инвестиции во Македонија