Во четвртокот (25.04.2024 година) со почеток во 19.00 часот во Концертната сала на Бугарија во Софија под дирегентската палка на Ана Спасовска, Македонскиот квинтет МАКЕДОНИСИМО во придружба на Филхармоноскиот Оркестар на Софија се одржа концертната премиера на веќе етаблираното Македонски музички бренд МАКЕДОНИСИМО.
На преубавата атмосфера и енергија во салата им кумуваа мелодијата и ритмиката на овој значаен музички производ чија што музика и воопшто содржина се темели на Македонската традиционална музика спакувана во препознатлив звук, мелоритмика, динамика и сензибилитет кој што може да се носи рамо до рамо со современиот светски музички израз.
За ова спектакуларно музичко остварување пред софиската публика Македонскиот пијанист Симон Трпчевски кој што е носител на овој музички бренд заедно со неговите пријатели со кои што го создадоа ова музичко дело, се обрати преку социјалните мрежи за да ја искаже својата благодарност а “актерите” кои овозможија МАКЕДОНИСИМО да прозвучи на најубав можен начин.
Најдлабока благодарност за колегите од Софискиот Филхармониски Оркестар, за почитта, посветеноста и гостопримството со кои што овозможија прекрасна димензија во музиката.
Браво за моите колеги од МАКЕДОНИСИМО, особено за мојот драг пријател Александар Сомов, за нивниот придонес во овој историски момент за нашиот проект и за овозможувањето на културниот и пријателски мост помеѓу Македонија и Бугарија.
Браво за Маестра Ана Спасовска за нејзината посветена работа, професионализам и понизна личност со кои ги освои срцата на музичарите и публиката. Горди сме на нејзиниот талент и се надеваме на нејзина светла иднина!
Браво за Македонската Амбасадорка- Госпоѓа Агнеса Руси Поповска и Министерот за култура на Бугарија Најден Тодоров, за прекрасната позидивна и плодоносна средба. Браво за Маестро Тодоров за неговите напори да го презентира Македонисимо пред Бугарската публика.
Благодарност за големиот талент Александра Борисова која што ни се придружи на сцена со нејзината природна музикалност со која ги освои нашите и срцата на публиката.
Многу благодарам за моите драги пријатели и колеги Илија Василевски, Наум Грујовски и Димитар Московски за нивната безрезервна помош.
Благодарност за КултурОп, фото студио Лесански, Компас Холидејс, ЕуропКар Македонија, за нивната искрена поддршка.
Одиме напред!
-напиша на социјалните мрежи Маестро Симон Трпчевски во врска со овој грандиозен концерт во Софија.
Креирано од:
СЛИЧНИ ОБЈАВИ
Што значи Bajram Šerif Mubarek Olsun, а што значи Allah razi olsun?
Почина легендарниот актер Џејмс Ерл Џоунс
Оваа наставничка е расадник на Македонизмот во Хрватска: Води настава со десетици дечиња од Хрватска и Македонија каде се изучува Македонскиот јазик