Претседателот на ВМРО-ДПМНЕ Христијан Мицкоски денеска во просториите на Централниот штаб имаше работна средба со новоизбраните градоначалници. На средбата биле истакнати определбите на партијата дека се што било ветено за граѓаните дека мора да се оствари и тоа што е можно побргу, со што ќе се решат голем број на постоечки проблеми за граѓаните
Денес имам средба со новоизбраните градоначалниците кои ја добија довербата да раководат со општините на локалните избори кои завршија точно пред една недела и кога тоа процентуално би се изразило станува збор за повеќе од 70 проценти од општините во Македонија, имајќи ги предвид населението и граѓаните кои што живеат во тие општини. Независно од политичките случувања поврзани со централната власт, оставката или не оставката на Зоран Заев, падот на актуелната влада, сметам дека е многу значајно по ниту една цена да не се занемари она што беше ветено на граѓаните во изминатиот период на локалните избори.
Се што ветивме треба да се исполни, да се засукаат ракавите што побрзо за да се започне со решавање на проблемите на граѓаните од сите населени места, општини каде што ВМРО-ДПМНЕ и Коалицијата за Обнова на Македонија има градоначалник, а таму каде што сме коалиција да работиме со градоначалниците од коалицијата. Без оглед на тоа што огромен број на општините се презадолжени, повторувам презадолжени во голем дел од нив првичните информации велат и сведочат за злоупотреби на ресурсите, луѓе кои што земале плата, а не оделе на работа, потребен е максимален ангажман од секој еден градоначалник за да се реализира ветеното, а сето ова кое што претходно го кажав не смее да биде изговор за неуспех. Промените кои ќе ја донесат новата иднина треба да започнат и со промени во однесувањето на луѓето кои се одговорни за општините. И тоа ќе побарам веднаш да се случи. Како прво, имајќи во предвид дека во програмите „Гарантирам” имаме предвидено сериозни капитални проекти, ќе побарам на состанокот после оваа прес конференција од градоначалниците во наредните триесет дена да започнат со активности за реализација на најмалку три капитални проекти од инфраструктурен карактер со кој ќе решат значајни проблеми на граѓаните од тие општини.”…
-рече лидерот на ВМРО-ДПМНЕ, Христијан Мицкоски на денешната прес конференција што може во целост да ја проследите во продолжение:
