Со свој повик на фејсбук излезе Претседателот на Општинскиот комитет на ВМРО-ДПМНЕ од Берово.
Неговата порака ја пренесуваме во целост:
Почитувани сограѓани, во овие тешки времиња во кои се наоѓа Македонија, во овие тешки времиња во кои економијата тоне, нема нови инвестиции, нема нови работни места, нема надеж и перспектива за младите, пензионерите се заборавени, а работниците понижени. Во овие времиња во кои се урнисува државата која со векови со крв и пот е градена, Ве повикуваме сите Вас кои се чувствувате излажани, обесправени, изманипулирани и разочарани од оваа ненародна власт на СДСМ, без разлика на Вашата етничка припадност, вера и пол. Сите заедно на 2 јуни масовно да излеземе и гласно да се спротивставиме на штетните политики на оваа антимакедонска Влада. Сите заедно да порачаме дека МАКЕДОНИЈА ЌЕ ПОБЕДИ! Заедно да порачаме дека Македонија сака унапредување, а не уназадување, Македонија сака стабилност, а не нови поделби. Сите заедно да порачаме дека Македонија е се што имаме! Преку нашата масовност да го означиме падот на оваа Влада која претставува отпадок од болното транзициско минато.
За сите присутни на овој антивладин протест е обезбеден бесплатен превоз од Берово до Скопје. Поаѓање во 15 часот пред штабот на ОК ВМРО- ДПМНЕ Берово.
Да живее Република Македонија!
Креирано од:
СЛИЧНИ ОБЈАВИ
Сања Пановска е дел од “Најдоброто на Делчево”. Градоначалникот Гоцевски рече дека таа е инспирација за сите млади луѓе кои сакаат да бидат научници
Најава за презентација на активности од проектот „Вештини – клучот на зелената економија“ во Кочани
Започна регистрацијата за обуката „AI4HerWellbeing“ – спој на вештачка интелигенција и благосостојба за жени во Кочани