Талат Џафери го потпиша решението за свикување на конститутивното собрание на пратениците по одржаните предвремени парламентарни избори кои се одржаа на 15 јули.
Во вторник 4 август со почеток во 12.00 часот ќе започне конститутивната седница на идниот четиригодишен парламентарен соства кој треба да ја избере и да ја контролира идната Извршна власт во државата.
Како Претседател на претходниот парламентарен состав Талат Џафери ќе ја започне оваа седница на која што ќе треба да се избере нов претседател кој ќе биде прв меѓу еднаквите.
Собраниските сесии како и оваа седница во наредниот период ќе се реализраат под строги пропишани протоколи за заштита од Ковит-19.
Новитет е што оваа седница ќе се одржи на кровот на собраниската зграда под стаклената купола на собранието која што беше завршена со изградба во 2015 година.
За следење на конститутивната седница ќе биде задолжен националниот сервис на МТВ а ќе биде дозволено присуство на новинари и гости на седницата во строго дефиниран режим.
“На пратениците, на гостите и на претставниците на медиумите при влезот во зградата на Собранието ќе им биде мерена телесна температура, по што ќе им биде овозможено да влезат во зградата. На сите влезови ќе бидат обезбедени средства за дезинфекција.
Бидејќи станува збор за вонредни околности и е неопходно одржување на задолжителна физичка дистанца меѓу пратениците, Конститутивната седница ќе се одржи во Големата сала на Собранието на Република Северна Македонија, односно во салата позната во јавноста како Голема купола. Пратениците ќе бидат на соодветна дистанца и ќе им биде обезбедена заштитна опрема.
Гласањето на седницата ќе се одвива рачно (со картончиња), а од седницата ќе има директен пренос на Собранискиот канал на Националниот радидифузен сервис МРТ.”
-соопштуваат од собраниската служба.
