Убавината на рок Н ролот е во тоа што постојано изненадува со нова и нова свежина и енергија која повторно и повторно знае да го облагороди овој свет.
Еден од најдолговечните рок Н рол бендови во Македонија кои “инаетливо” си ја туркаат својата приказна на која што се лепат млади дечки од различни генерации во различни временски интервали во текот на нивното 30 годишно музицирање и ден денес покажуваат како нивната музика може да понуди своевидна свежина на Македонскиот музички етер.
Откако пред иззвесно време го најавија својот анплагд концерт, дури и најпосветените фанови на бендот по малку можеби беа скептични. Но веројатно таа скепса ги следи сите голем рок бендови кои се одлучуваат од нивното дисторзирано електрично руво да излезат “соголени” со една анплагд верзија на нивната музика, што во најголем број на случаи се покажало како културолошки позитивен феномен кој додава уште поголема длабочина на нивната музика.
Онаа што Суперхикс го најавуваат несомнено ќе биде рамно на еден наш Македонски културолошки феномен, кој ќе остане во аналите на Македонската современа музика како еден светол момент под ова парче небо на кое постоиме како луѓе.
Првиот анплагд концерт закажан за 8 декември се распродаде со брзина која е можеби невидена за македонските бендови, но затоа во духот на дарежливоста Суперхикс ќе ги отворат своите срца и на втор концерт два дена подоцна на втор анплагд концерт кој ќе се одржи исто така во Домот на културата “Билјана Беличанец” во скопска Кисела вода.
И за овој втор концерт влезниците кои што се пуштени во продажба по симболична цена од 500 денари се во ограничен број поради просторните капацитети на салата, така што сите љубители на добра рок Н рол лекција добро би било да побрзаат да си обезбедат билетчиња за себе и за своите партнери, затоа што Рок музиката е најдобра кога се консумира најмалку во двојка.
“
Не сме дедо мраз, ама исполнуваме желби
По распродадениот прв концерт, објавуваме ВТОР – Суперхикс акустичен концерт и изложба (30 години постоење)
Покрај акустичниот концерт ќе се постави и изложба на меморибилиа во изложбениот салон на домот.
10.12.2024 година
Дом на култура Билјана Беличанец-Кисела Вода (кино сала)
Старт 20.00ч.
Влезници во ограничен број
500 мкд
Не пропуштајте!”
-стои во соопштението за јавност упатено од ПР службата на бендот.
Билетите за настанот може да се набават на сл. линк тука.
Креирано од:
СЛИЧНИ ОБЈАВИ
Оваа ретка фотографија на Принцезата Дајана, содржи нешто што фотографот отпосле го воочил
Сѐ е подготвено за концертниот јубилеј на ДРИМ ТИМ – 25 ГОДИНИ МУЗИКА
Многу турбо фолкери од соседството ќе му завидат на изведбата на “Јовано, Јованке” на овој колумбиски бенд