Вршителот на должноста градоначалник на Општина Кочани Венко Крстевски денеска го прими во официјална посета словенечкиот амбасадор Грегор Пескор.
Крстевски изрази голема благодарност за лекувањето во Словенија на повредените лица во неодамнешната трагедија, како и за сета досегашна поддршка на Кочани, истакнувајќи дека Република Словенија е наш репер во многу области на дејствување.
Амбасадорот Пескор ги нагласи можностите за учество на претстојни повици за апликации и подготвеноста Словенија да помага за различни приоритети на Кочани.
Меѓу повеќето области и надлежности на Општината, в. д. градоначалникот Крстевски ги истакна спортот и културата коишто во наредниот период треба низ различни форми да бидат што подостапни за младите – за да можат тие да се задржат на нашиве простори.
Во знак на натамошна успешна соработка Крстевски му подари на амбасадорот Пескор дрес на ФК „Осогово“.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево