Во светот постојат многу специјални работи.
За Македонците во последниве неколку години само една “специјална” работа се чини дека е важна.
Или така барем сакаат да изгледа, “инжинерите-конструктори” на целиот тој хартиен шатор под чии што плашт налегнал циркусот на “Ката и Фата”.
Овој специјален циркус со право го оправдува својот епитет на “специјалност”.
Секој еден детал во овој циркус е специјален. Почнувајќи од името Специјално…. преку специјалните брендирани чанти, сакоа , бунди, лимузини со затемнети стакла, штикли од кои прска жешкиот асфалт под нив, до специјалната пренагласена ароганција и специјалните вицови на јавната сцена како и од зад завесата на циркусот.
Па овие специјални реквизити станаа интересни не само за главниот кловн, та и заменик- кловновите изведуваа разни акробатски операции на јавна сцена присвојувајќи го епитетот на специјалност. Ваквата еуфорична специјалност стана предмет на интерес и на мајмуните под циркускиот шатор, за кои бананите станаа изживеана работа, па посакаа да мацнат и тие во лончето на специјалност.
Не само што некои од мајмуните, главниот кловн и заманик- кловновите биле специјализирани за носење скапи чанти од едно до друго место притоа правејки разноразни акробации од кои публиката сеуште е опиена, позначајно е тоа што циркусот не престанува да емитува шоу за публиката иако шаторот е затворен а главниот кловн е психофизички тешко болен легнат во кафез.
Притоа мајмуните се вратени во матичните чопори чекајки и надевајќи се на пакети со банани од затворениот циркуски шатор.
Ваквите придружни појави на овој циркус покажуваат дека тој е навистина специјален!
И замислете клучарот на циркуските кафези во кои е затворен главниот кловн, на публиката соопштува дека кловнот КАТА е многу болен и со крајни сили едвај напиша писмо со кое бара сите докази и аргументи поврзани со циркусот да се префрлат во комшискиот циркус кој има намера да го завземе монополит за ширење циркуски скечеви низ публиката.
Тоа е како серискиот убиец или докажан криминалец- бизнисмен од притвор да напише писмо со кое бара сите докази поврзани со убиството кое го извршил или фирмата која ја ограбил да се достават во комшискиот шатор.
А најстрашното од тоа е што на публиката преку циркуските протоѓери им се кажува дека се е ОК.
Како би реагирал секој нормален човек?
И најголемиот дел од обвинителската фела на сето тоа е рамнодушна како ништо да не се случило.
Божем така мора да биде…
Пишува: Дедо Ѓорѓија
Името на авторот на овој текст е познато на редакцијата
Претходно од истиот автор: :
Креирано од:
СЛИЧНИ ОБЈАВИ
Службени лица на МВР и МЗШВ од Струмица и Берово помагале во пустошење на шумите во Малешевијата
Божиновска: Рубинот инспирација за иднината – уметност и геологија се споија со цел ресурсите да ги претвораме во знаење, вредност и иднина
Николоски: Автопатот Прилеп-Битола се гради со силен интензитет. Пелагонија ќе добие модерен автопат по сите стандарди за нов економски развој и посилна иднина на регионот