Во рамките на престојот во Атина по повод учеството на дводневниот самит „Energy Transition Summit: East Med and Southeastern Europe“, министерката за енергетика, рударство и минерални суровини Сања Божиновска оствари работна средба со амбасадорката на Соединети Американски Држави во Грција, Кимберли Гулфојл.
Во пријателска и конструктивна атмосфера беа разменети мислења за билатералните односи меѓу двете држави, со посебен акцент на енергетската соработка, енергетската безбедност и можностите за продлабочување на партнерството во областа на инфраструктурните и стратешките енергетски проекти.
Соговорничките се осврнаа и на неодамна одржаниот стратешки дијалог во Вашингтон, каде енергетиката беше една од централните теми, при што беше потврдена заедничката заложба за зајакнување на регионалната соработка и поддршката на енергетската транзиција.
Министерката Божиновска ја информираше амбасадорката за текот на активностите поврзани со изградбата на гасниот интерконектор со Грција, како и за посветеноста на Владата на Република Македонија кон реализација на проекти што ќе придонесат за поголема енергетска стабилност, диверзификација на изворите на снабдување и зголемување на регионалната поврзаност.
Заеднички беше подвлечена потребата од зголемување на обемот на американски инвестиции во енергетски и инфраструктурни проекти во Македонија и регионот, особено во делот на гасната инфраструктура и модернизацијата на енергетските капацитети.
На средбата, министерката Божиновска упати покана до амбасадорката Гулфојл во блиска иднина да ја посети Република Македонија.
Креирано од:
СЛИЧНИ ОБЈАВИ
Министерот Перински ќе се обрати пред светски лидери и министри во Баку на Светски урбан форум 13
Премиерот Мицкоски од Виница денес соопшти дека почнува реализацијата на проектот за експресниот пат Делчево- Виница- Кочани
Реконструиран крак од улицата “Козара” во Берово со пари од Македонската влада