Суперхикс е добро позната македонска ска-панк група со реге, латино, џез, свинг и балкански музички влијанија. Групата била формирана во 1993 година, од три средношколски другари: Петар Младеновски, Зоран Жежов – Кечо и Борис Минов. На почетокот, „Суперхикс“ свиреа мелодичен панк/хардкор, но подоцна, во групата била вклучена и тричлена дувачка секција составена од труба, тромбон и флигел хорна, како и моќен перкусионистички сет, воден од Гоце Наумов – Индијанецот.
Во својата кариера, „Суперхикс“ ја делеле сцената со големи имиња од светската музичка сцена, како: Ману Чао и Радио Бемба Саунд Систем, Хаус Оф Пеин, Грин Деј, Феит Но Мор,Д Хајвс, Гогол Бордело, Инер Сиркл, Фан Ловин Криминалс, Тито и Тарантула, Хенри Ролинс, Рико Родригез (Спешлс), Фишбоун, Фандаментал, Морчиба, Хладно пиво и многу други.
Култниот музички состав „Суперхикс“ кој оваа година одбележува 25 години постоење на сцената, на 28 јули ќе одржи концерт во „Kadmo beach & bar“ во Охрид.
Карти за концертот на „Суперхикс“ во Охрид, можат да се најдат во претпродажба по цена од 200 денари во „Kadmo beach & bar“, како и во „Kadmo bar“ во центарот на Охрид.
Повеќе информации и резервации на: 078 288 365.
Концертот почнува во 22 часот.
Суперхикс ветува незаборавна забава!
