За себе велат дека се бенд кој твори искрена и реална музика од секојдневниот живот. Името на бендот “Последен Удар” дошол во момент на инспирација во друштво со алкохолот и за нив опстојувањето како бенд не е лесно но успеваат и понатаму да работат мотивирани од нивната креативност и потребата за забава.
Повеќе за Последен Удар може да прочитате во интервјуто кое го направивме со членовите на бендот во пресрет на овогодинешниот возобновен Рудар Рок Фест каде тие како прв бенд кој настапи на сцената пред присутната публика имаа чест да ги растераат пајажините кои беа налегнале врз звучниците на пробиштипјани.
По цели 12 години Пробиштип имаше можност пак да биде градот на кој му личи Рок музиката.
А оваа приказна најубаво ја започнаа токму Последен Удар.
На својот беспрекорен музички настап кој човек посакува повторно и повторно да го види/слушне/доживее, Последен Удар ги отсвиреа песните од нивниот втор албум “Не сме како вас” како и песните од нивното самонасловено EP а публиката на мултинамеското игралиште во Пробиштип вредно покажа колку овој звук кој го пласираа момците од Последен Удар недостигаше во етерот над градот.
Во продолжение го пренесуваме настапот на Последен Удар пред публиката која ја имаше од цела источна Македонија таа вечер во Пробиштип
Креирано од:
СЛИЧНИ ОБЈАВИ
Што значи Bajram Šerif Mubarek Olsun, а што значи Allah razi olsun?
Почина легендарниот актер Џејмс Ерл Џоунс
Постои град во Турција кој се вика “Бетмен”