Од самиот почеток на владеењето на СДСМ рекетот е број еден алатка за пресметка со неистомислениците и со безнисмените кои се офајдија од предходната власт, а кои меѓу другото ги имаше и во бомбите. Актуелниот премиер Зоран Заев, чевли искина од одење по медиуми и пена фати на устата од заканите кои како опозиционер ги кажуваше со ветување дека ќе дојде ден кога цел имот на овие рекетираниве, ќе му се конфискува, заедно со имотот на тогашните функционери.
Бројчаникот кој требаше да биде поставен на триумфалната капија, најверојатно нема да биде поставен, бидејќи тој истиот, некни видовме, бил поставен во СЈО и тоа кај Катица Јанева во канцеларијата, а од на Боки 13 тефтерот видовме дека на бројчаникот чукале 7 цифрени бројки. Машала.
Во една држава, да се одвива ваква операција во која извршители се повеќемина, меѓу кои многу познати носители на јавни и државни функции, како и лица од јавниот живот во Република Македонија, неможи да остани незаприметено и да се одвива слободно без знаење на премиерот. Кој верува дека премиерот за сево ова не знаел, тогаш тој е многу наивен човек или навистина сега скоро е преселен од Австрија, каде владата падна по само едно објавено кратко скандалозно видео.
Рекетот во државава, како што реков и предходно, не е ништо ново и не е од вчера. Рекетот по оваа веќе разоткриена шема, се одвива од самото остоличување на заевата влада. Грешката е направена во тоа што рекетариве се заиграа па отидоа малку подалеку, што веќе зафати и меѓународен размер, а богами дури и за тоа не ги бидува. Не ги бидува ни на бакал за чираци да ги главиш, не знаат кусур да вратат.
Да не беше инсистирањето и вмешувањето на интерпол и слични на нив служби, рекетот до денес ќе си цутеше, а ратите според тефтерот на Боки 13 ќе си капнуваа според договореното. Акцијата во која требаше да паднат сите вклучени во рекетот: целата структура на СЈО, Боки 13, Кичеец и сличните на него, Лила Филиповска, Кирацовски, фамилија Ременски, итн се до главата на организацијата Зоран Заев, е саботирана од страна на МВР и Јавното Обвинителство за Организиран криминал, бидејќи овие не ги бива за ништо, ни за крадење, ни за рекетирање. Ќе испопаѓаа сите еден по еден како круши в торба.
Имено, ОЈО и Русковска сега имаат за задача да ја заташкаат работата и да ја сведат само на Кичеец и Боки 13 и воопшто да не се продолжи понатаму со истрагите, со цел да се заштити како што кажав главата на организацијата, а тоа е, one and only, Зоран Заев, кој сега кука, плачи и моли за лидерска средба.
Бидејќи ситуацијата е каква што е, а овој случај свесно однесен во ќор сокак, тука, сега, во истиот момент, треба да настапи целата опозиција: ВМРО, АЛијанса, Левица, Трета, Единствена Македонија, Гром, СПМ … ама апсолутно сите. Да се соберат и сите заедно да направат притисок со цел да се стигни до главата на оваа организација, а тоа е како што рековме Зоран Заев.
Во никој случај и под никакви услови да не се прифаќа, така наречена, лидерска средба, бидејќи народот нема доделено такво овластивање, на човек за лидер, бидејќи народот знае дека, на така наречена лидерска средба, ќе биде повторно направен пазар, од кој само народот и правната држава ќе бидат губитници. На сите средби резултатите се исти: политички регулирано право, наместо правно регулирана политика.
Најавата дека доаѓаат Хан и Рикер, да се обидат нешто на сила да истуркаат да дојди до таква средба, треба да претставува мотив плус, за таа средба да не се оствари. Бидејќи одамна се зане дека Јоханес Хан и Филип Рикер се буквално се, само не се пријатели на Македонија, македонскиот народ и граѓаните на Република Македонија.
Лично јас не одобрувам било какви состаноци или така наречени лидерски средби на кои ќе учествува Зоран Заев. Цела опозиција треба да настапи едногласно и да бара: предвремени избори, оставки и разрешница до крај на случајот „Рекет„
Стоп за било какви средби со Зоран Заев, стоп за СЈО, стоп за криминалот во Македонија, стоп за владата на СДСМ !!!
Пишува: Виктор А.К.А. Башлак
Креирано од:
СЛИЧНИ ОБЈАВИ
Организиран настан за снимање спот со над 300 возила кои турирале со моторите. Полицијата реагирала експресно и ги растерала присутните
Македонија 7 дена ќе тагува по своите ангели кои заминаа на небесата
Осум повредени од пожарот во Кочани примени во „Пирогов“ во Софија, нивната состојба е тешка