Претседателот на Општинскиот комитет на ВМРО-ДПМНЕ од Општина Карбинци Виктор Паунов на социјалните мрежи денеска ја прозва локалната власт со постоење сомнежи и индиции за нерегуларности во врска со склучени договори во рамки на постапки за јавни набавки- тендери во општината.
Целата реакција упатена до јавноста на Виктор Паунов објавена преку фејсбук ја пренесуваме во продолжение:
“Почитувани граѓани на општина Карбинци:
Во изминатиов период, односно периодот од владеењето на сдсм на локално ниво, сведоци сме на еден катастрофален период на работа и реализација на локалната власт.
Водејки се по предизборната програма од 2017 година, ќе забележиме на многу проекти кои останаа само на хартија, но во реалноста на терен нема ништо.
Локалната власт во изминатиов период за сите критики одговараше со исти одговор дека поради ,,долг” неможеле да работат, но во исто време си објавувале тендери и во периодот на вонредна состојба за работи кои не се приоритетни и дури неважни работи за народот со огромни милионски суми на терет на буџетот на општина Карбинци.
Постојат многу сомнежи и индиции за нерегуларности, по кои ќе ги повикаме надлежните органи за истрага, во таа насока во следниот период ќе објавиме документи и податоци за дел од овие склучени договори кои ќе процените за каква цел се склучени!”
Креирано од:
СЛИЧНИ ОБЈАВИ
Товарно возило удрило во мопед на магистралниот пат Штип-Делчево
Во ритамот на пијаното – најава за концерт на младата пијанистка Јулијана Јанев во Кочани
Експлозија на ел. бојлер во викенд куќа во Равна Река, пехчевско причина за повреда на 42 гидишна жена од Штип