Од владеачката ВМРО-ДПМНЕ со соопштение упатено до јавноста го коментираат денешниот прес на претсдателот на СДСМ Венко Филипче.
“Прес-конференцијата на Филипче не претставува ништо повеќе од очаен политички настап на човек кој веќе е свесен дека ја губи поддршката и незапирливо тоне.
Филипче денес не ја напаѓа содржината на предложените законски решенија затоа што знае дека тие се издржани и во интерес на државата, туку се обидува да создаде вештачка политичка драма околу укинувањето на т.н. техничка влада.
Денес, кога институциите се стабилизираат и се враќа нормалниот демократски поредок, СДС панично се обидува да го задржи механизмот што им служеше како политички штит.
Оваа реакција на Филипче е класичен пример на политичка дезориентација затоа што од една страна се повикува на демократија, а од друга страна се противи на враќање на нормалноста во функционирањето на државата. Тоа е страв од изборен пораз кој Филипче денес јавно го признава.
ВМРО-ДПМНЕ јасно знае што прави. Предложените законски решенија се дел од поширока визија за стабилна, функционална и одговорна држава, ослободена од модели и политички компромиси што ја деградираа државата институционално. Нашата политика не се темели на дневнополитички калкулации, туку на долгорочни системски решенија.
За разлика од Венко, кој живее во наратив на лаги и измислувања, ВМРО-ДПМНЕ работи со јасна стратегија, со конкретни цели и со одговорност кон граѓаните. Овие реформи ќе бидат реализирани не затоа што некој тоа го сака политички, туку затоа што државата тоа го заслужува.”
-стои во соопштението на ВМРО-ДПМНЕ упатено во јавноста денеска.
Креирано од:
СЛИЧНИ ОБЈАВИ
Филипче: Без консензус нема укинување на техничката влада
Алиу: Со предлог измените на ЗЗЗ се вреднува знаењето, искуството и придонесот на здравствените работници со долгогодишно искуство
Уставниот суд ја одржа својата 10 редовна седница со следните точки на дневен ред