Во текот на вчерашниот ден во срцето на скопската населба Аеродром се промовираше новата канцеларија која е носител и промовира Македонски национални идентитетски обележја.
Во време кога во Oхрид се отвара канцеларија на фашистички водач и најблизок соработник на Хитлер, под будното око на целокупната јавност и медиуми, во Скопје речиси незабележано со многу труд, напор и посветеност но и со огромно ниво на љубов и патриотизам веќе повеќе месеци работи една поинаква канцеларија посветена на Македонскиот народ.
Здружението Македонски Аманет со помош на случајни или неслучајни поединци преку оваа канцеларија промовира Македонски традиционални, револуционерни, културни, едукативни и пред се патриотски вредности единствено со ретка декларативна поддршка на малкубројните институциите на државата.
Додека клубови на странски пропаганди добиваат целосен фокус од медиумите, луѓето од оваа канцеларија со огромна доза на лична пожртвуваност тврдоглаво се обидуваат Македонската кауза да допре до што е можно поголем број на граѓани. Веројатно е Македонско проклетство да не знаеме да си ги цениме и почитуваме сопствените Македонски вредности, но со луѓе како што се членовите на здружението Македонски Аманет, Македонската Кауза ќе продолжи да живее.
“Денес во Аеродром,Три бисери, поставен е излогот на новата канцеларија на здружението Македонски Аманет Македонец за Македонец.По тој повод ги повикуваме сите да се приклучат во борбата за македонската Кауза.Секоја нова македонска канцеларија е одбрана и бедем кон фашистичко-бугарскиот лобинг во Македонија. Од “Три бисери” македонската Кауза се шири низ цела Македонија.Добредојден е секој кој што е спремен да вложи дел од себе си во оваа долга и тешка борба без крај ама вредна за да се живее за неа.Тука се Гоце ,Ченто ,Завет и дело,тука сте добредојдени Македонци.
Аеродром,Три бисери,Скопје”
-информираа од канцеларијата Македонец за Македонец од Скопје.
Креирано од:
СЛИЧНИ ОБЈАВИ
Штипјанец сведочел а не пријавил нанесување на тешка телесна повреда
Македонија и Унгарија зацврстија стратешка енергетска соработка – делегација на министерството на петта седница на Мешовитиот комитет
„Вози безбедно – стигни сигурно“ – превентивна кампања на СВР Штип