Градоначалникот на општина Виница Миле Петков во јавноста соопшти дека е во тек пролетна акција за чистење на сите неисчистени локации и мини депонии низ општината.
Притоа Градоначалникот Петков упати апел до граѓаните да придонесат со сопствен пример кон зачувување на чистотата и животната средина во Виница.
“И оваа недела продолжуваме со пролетната акција #ЗаЧистаОпштинаВиница.
Денес се чистеше на потегот од Турско маало до м.в. Дива Топола, се собираше отпадот покрај патот и се отстрануваше градежен шут, се изврши поткастрување и проширување на овој дел од патниот правец Виница-Градец.
Се чистеше и централното селско подрачје во Градец, каде воедно ја искористив приликата да остварам непосредни средби со месното население.
Апелирам до граѓаните кои живеат и гравитираат околу овој патен правец да не фрлаат ѓубре, градежен шут и друг вид на отпад, исто така ги охрабрувам граѓаните да пријават фрлање на отпад до општинските инспекциски служби на тел.бр. 033/361-945.”
-соопшти Миле Петков- Градоначалник на Виница.
Креирано од:
СЛИЧНИ ОБЈАВИ
Отстранет отпадот во близина на Фабриката за вода во Кочани
Градоначалникот Владко Грозданов се сретна со жители од улицата „Константин Апостолов“
Кривична пријава против поранешна директорка на Јавната Здравствена Установа “Гоце Делчев” Делчево