Денеска по повод големиот Православен Христијански празник Св. Трифун, градоначалникот на општина Виница Миле Петков беше дел од убавата традиија која што во Виница и Виничко се чествува од памтивек.
Традиционалното закројување на виновата лоза со славска погача, во присуство на свештени лица од виничкото архиерејско намесништво на Брагалничката Епархија е белег за овој ден помеѓу домаќините кои што одгледуваат грозје за своја душа но и за ќејф на многумина вински сладовкусци низ Европа и светот.
Градоначалникот Петков на денешниот празник им посака богат род на сите лозари во виничко, здравје, среќа и бериќет за сите граѓани на Виница.
“Честит празник и за многу години да ни е Свети Трифун, заштитник на лозарите и градинарите.
На сите верници кои го слават овој христијански празник им посакувам многу здравје, среќа и бериќет.
На сите лозари и градинари им посакувам богат и квалитетен род и успешна година, виничкото вино да го има во поголеми количини на домашните, но и на трпезите на граѓаните во Европа и светот.”
-соопшти Градоначалникот на Виница Миле Петков по повод денешниот празник Св. Трифин- Заштитник на лозарите и градинарите.
Креирано од:
СЛИЧНИ ОБЈАВИ
Влатко Јефтимов и Мирче Павлов прогласени за најуспешни пожарникари во Кочани за минатата година
Потпишан договорот за поврзување на Виница со Пречистителната станица за отпадни води во Мојанци
Санација и реконструкција на оштетени шахти на коловозите во Кочани