Руската музичарка и сликарка Светлана Колосова користи своја рака како платно и слика чудесни слики инспирирани од бајките. Делото на Светлана илустрира класични приказни од приказните на Ханс Кристијан Андерсен, како малата сирена и малото девојче до рускиот фолклор, како Снежната девојка. Всушност самиот нејзин боди арт е инспириран од големиот дански писател.
Креативната Русинка Светлана Колосова направила серија фотографии од колоритни сцени од приказните кои ги насликала на нејзината лева рака. Таа отсекогаш имала страст кон литературата и сликањето, а нејзин омилен поет е Сергеј Есенин, кој го портретирала на една од овие слики на дланка.
Нејзините слики се детални, внимателно ги следат и покриваат линиите на раката, па гледајќи ги можете да заборавите дека тие не се насликани на платно. Ќе бидете воодушевени од живописните и колоритни сцени од бајките, кои ќе ви создадат топло чувство околу срцето и ќе ве потсетат на детските денови и на приказните во кои безгрижно тоневте.
