Претседателката на Општинската изборна комисија во Штип, Сенка Андреева ја информираше јавноста дека петмина кандидати поднеле своја кандидатура за предвремените локални избори во Штип. По изборот на Благој Бочварски од СДСМ за министер за транспорт и врски во владата на Зоран Заев упразнетата градоначалничка функција беше заменета со вршител на должност, по што беа распишани изборите за 13 декември. Рокот за доставување на кандидатури беше до вчера на полноќ.
Во трката за градоначалник на Штип чиј што мандат ќе биде до октомври 2021 година влегуваат независниот кандидат Трајче Митев со собрани 260 граѓански потписи кои се во прилог на неговата кандидатура, Лазар Наумов од партијата ТМРО, актуелниот пратеник Сашко Николов предложен од СДСМ, Гоце Ангелов од новата коалиција „Иднината во наши раце“, која е составена од партиите Демократи и Македонска обединителна реформска организација. Најголема свежина и најголемо изненадување за штипјани е кандидатурата на Симон Поликарп (по прекар Џими) кој што е кандидиран од Интегра. Џими е роден во Нигерија, а веќе неколку децении живее во Штип.
Во јавноста во изминатиот период познати се неговите про-патриотски изјави, а меѓу пријателите тој е познат како Македонец со огромно чувство на љубов кон Македонија.
ВМРО-ДПМНЕ не поднесе кандидатура на свој кандидат согласно одлуката на Извршниот комитет која беше донесена во текот на вчерашниот ден.
Креирано од:
СЛИЧНИ ОБЈАВИ
Спецификата и убавината на “Ѕвегорска сурова” вреди да биде заштитена под УНЕСКО
Наближува Православна Нова Година. Таа во село Ѕвегор (Делчевско) се празнува најавтентично
По обилните врнежи од снег во Кочани – КЈП „Водовод“ на терен со расчистување на улиците и тротоарите