Телевизиската презентерка Бесмира Ејупи и синот на политичкиот аналитичар Алберт Муслиу- Петри Муслиу се новите можни решенија кои се споменуваат во јавноста за конзули во Њу Јорк и Чикаго кои што владата ги предложила за да ја претставуваат Македонија во САД.


Од биографијата на Бесмира Ејупи достапна на социјалните мрежи се гледа дека таа во својата работна кариера била новинар/презентер во повеќе трговски друштва и телевизии.
Петри Муслиу е син на политичкиот аналитичар кој ја поддржува актуелната власт на СДСМ и ДУИ во своите медиумски настапи.

Од владата ваквите информации ниту ги потврдуваат ниту ги демантираат.
Неодамна претседателот Стево Пендаровски во едно свое медиумско претставување соопшти дека на амбасадорските места во САД и Русија е потребно да бидат поставени т.н. дипломатски и политички тешкаши.
Колку ваквите имиња што се спомнуваат за назначување како конзули во САД се политички и дипломатски тешкаши останува јавноста да си донесе сопствен заклучок.

СЛИЧНИ ОБЈАВИ
Новото раководство на Комората оствари средба со министерот за здравство
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп