Општина Берово e дел од проектот „Инклузија на деца Роми во предучилишно образование“
Во текот на вчерашниот ден, градоначалникот на Општина Берово, Петар Ружински, заедно со директорката на Детската градинка „23 Август“ – Берово, Латинка Поповска, го потпишаа трипартитниот договор за соработка со Министерството за социјална политика, демографија и млади, во рамки на проектот „Инклузија на деца Роми во предучилишно образование“.
Со потпишувањето на договорот се овозможува бесплатно предучилишно образование за деца Роми од семејства во социјален ризик, со што се создаваат еднакви можности за нивен правилен раст, развој, учење и социјализација уште од најрана возраст.
Општина Берово останува посветена на создавање инклузивна и еднаква заедница, во која секое дете има право на образование, грижа и можност за развој, без разлика на неговото потекло или социјалниот статус.
Инвестицијата во децата е инвестиција во иднината на Беров,
-информираат од општина Берово.

СЛИЧНИ ОБЈАВИ
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип
ПОТПИШАНИ ДОГОВОРИ ЗА РАБОТНО АНГАЖИРАЊЕ ВО РАМКИ НА ПРОГРАМАТА ЗА ОКР ВО ОПШТИНА ВИНИЦА
Распишан конкурсот за општински стипендии за академската 2026/27 година