Во пресрет на последниве најави на владеачката северна гарнитура во државата по прашањето поврзано со повторно менување и отворање на Уставот на Македонија, со свој став се произнесе и Координативното тело на Македонците во Европа и светот.
Тие ги осудуваат сите најави, потфати и чекори на било кој политички фактор во Македонија и надвор од неа, кои заговараат повторно менување и отворање на Уставот.
Никакви гаранции не се потребни да се бараат од ЕУ и Брисел заради внесување на неколку стотици поткупени “Бугари” во преамбулата на Уставот. Всушност при секое чепкање на истиот, одредена малцинска заедница упорно настојува и успева да бара свои права кои всушност имаат за цел федерализација на државата .
Тој процес е веќе започнат од 2001 со Рамковниот и трае до бесконечност.
Истовремено се осудува циничната и бескруполозна негаторска политика на ЕУ спрема именувањето на државата, како и нејзината вмешаност и условување во процесот на преговори .
Никој нема право однадвор да се меша во внатрешните односи и одлучување на државата . Тоа важи како за соседите, така и за Брисел.
Не за повторно менување на уставот !
1 август, 2023 година
Координативно тело на Македонците во Европа и светот
Организации:
Совет на македонски општини – Австралија ;
Обединети Македонци- Канада;
Координативно тело на Македонците во Европа;
Македонци во Обединето Кралство;
Македонски Национален Совет – Швајцарија ;
Рефрама- Швајцарија ;
Македонско- финско здружение- Финска ;
Македонско- белгиско здружение “Цар Самоил” Белгија
Креирано од:
СЛИЧНИ ОБЈАВИ
Вучиќ пристигна во Пекинг. Ќе има средба со Си Џинпинг
Најава за историски час посветен за Гоце Делчев организиран од припадници на Македонската дијаспора
Лариса Дир: Цел на руските напади во Одеса синоќа меѓу другите беше и породилиште со мајки родилки и бебиња