Во вечерашното интервју во вестите на СИТЕЛ ТВ, Претседателот на ВМРО-ДПМНЕ, Христијан Мицкоски на прашање во врска со терминот на “с” кој што Владата на Зоран Заев го наметна во името на институциите во Република МАкедонија, одговори дека тој никогаш како Претседател на партијата нема да го спомене тој термин.
Христијан Мицкоски во денешното интервју нагласи дека Република Македонија нема да добие препорака за почеток на преговори со Европската унија, објаснувајќи дека со тоа уште еднаш ќе се потврдат неговите тврдења дека Македонија не се движи во вистинска насока.
Тој додаде дека чесно и достоинствено е да се употребува името Македонија наместо новото име кое го договори Заев а за кое граѓаните не гласаа, потенцирајќи дека тој лично, а ниту ВМРО-ДПМНЕ нема да го употреби новото име на државата.
Ние ќе учествуваме во реформската агенда, ние учествуваме во рамки на институциите кои што ја користат придавката на новото име. Но, никогаш нема да се изразиме со новата придавка која што ја употребуваат владините претставници, дури и некои од владините претставници кои што ќе ја заборават, тогаш тука е суфлерот кој што ќе ги корегира. Бевме сведоци кога еден од вицепремерите го употребува нашето вистинско име Република Македонија, па беше укорен од страна на претседателот на владата.
Да, ние ќе работиме се што е во интерес на граѓаните. И ако ме прашате дали тоа е чесно и честито, да ќе кажам, затоа што тоа е морален хазард за нас, затоа што нас приоритет ни се интересите на граѓаните, па дури и ако тој интерес подразбира да гласаме закони во рамките на собранието каде што стои новата придавка, но, никогаш ВМРО-ДПМНЕ, ниту пак јас како претседател нема да го споменам името,
вели Мицкоски.
Креирано од:
СЛИЧНИ ОБЈАВИ
Потпишан Меморандум за соработка помеѓу министерствата за здравство, образование и социјална политика за рана интервенција во детството
Министерство за здравство: Четворица пациенти од пожарот во Кочани се враќаат во земјава, во странски медицински центри остануваат уште 11 пациенти
Перински во Крива Паланка: Со регионална соработка до нов урбан зелен парк за граѓаните