Властите платени од парите на сите граѓани ја менаџираат кризата која се случи со катастрофалниот пожар во тетовската модуларна болница во интерес на одржување во нивните фотељи. Ваквата теза ја пласираше синоќа Александар Николоски во емисијата “Заспиј ако можеш” на ТВ Алфа зборувајки за една активност со која што актуелната власт се обидела да го сврти вниманието на јавноста кон друга тема, но не им успеало.
“Сериозен- жесток притисок вршат врз сопственици на медиуми да темата воопшто не се експлоатира во јавноста. Па прво пробаа средба со Ангела Меркел, но се избањаа бидејки видоа дека канцеларката беше во Белград и во Тирана ама не дојде во Скопје, нели кај големиов “реформатор” и “признат од меѓународната заедница”. Па после се обидоа со non-paper, кој што го има куцано Никола Димитров- вака да не ја замајува јавноста. Еве ексклузивно за вечерва: Автор на non-paper-от за односите со Бугарија е Никола Димитров со цел да се дефокусира вниманието на јавноста. И тој затоа знае дека граматички е неточен бидејки тој го има правено. Еве нека ме демантира, сега дали тој сам го куцал или му го диктирал на некого па некој друг го куцал е прашање на техника. Возможно е и секретарката да го куцала, овој да го диктирал, значи автор на non–paper-от е Никола Димитров со цел да се дефокусира. Ама и народот не се “фати на таа јадица”.
Како никогаш претходно се држи тема, затоа што поголема тема од ова нема. Суштината на оваа тема не е дека се само изгубени човечки животи. Туку суштината е дека се изгубија човечки животи таму каде што луѓето одат да се спасат животи. Значи луѓето одат да си го спасат животот во болница и болницата гори заради мафијаши. Затоа што ова што се случи е комбинација од неспособност и криминал.”
-рече Потпретседателот на ВМРО-ДПМНЕ Александар Николоски во врска со ваквата состојба.
Креирано од:
СЛИЧНИ ОБЈАВИ
Кривична пријавa против поранешен градоначалник на Свети Николе за „злоупотреба на службената положба и овластување“
Најава за Ноќно искачување на “Ѕвезден Врв“ – Беласица
Скопје на 9 и 10 јуни пулсира во ритамот на Урбан Фест – два дена македонска музика и енергија во Градски парк