На пригодна свеченост во конференциската сала на општина Штип вечерва беа доделени наградите за најуспешни спортисти за минатата 2022 година.
За најуспешен спортист беше прогласен борачот Владимир Егоров од боречкиот клуб Балканец од Штип на кој што градоначалникот Иван Јорданов му го додели признанието.
“Владимир Егоров, борачот кој 7 години ги брани боите на БК Балканец и на Македонската репрезентација и кој е државен и европски првак и репрезентативец, денес го прогласивме за спортист за 2022 година во Општина Штип!
Од 78 пријавени спортисти, Комисија за избор на спортист на годината ги селектираше најуспешните 17 активни спортисти од категориите пионери, кадети, младинци и сениори, а награди и признанија добија сите оние кои се истакнале по својот активен придонес за спортот во Општина Штип.
Честитки за наградените и пофалби за сите кои се вложуваат за развој на спортот во нашиот град!”
-соопшти градоначалникот на општина Штип Иван Јорданов во врска со вечерашниот настан.
Креирано од:
СЛИЧНИ ОБЈАВИ
Приведено лице од Македонска Каменица затоа што управувало возило под дејство на алкохол и без возачка дозвола
Жителка од с. Лаки, виничко заработи кривична пријава за упатување на заканувачка содржина преку соц. мрежа
В. д. градоначалникот Крстевски на средба со директорот на „Амфенол“ Наков и со жители на Тркање