Потфрливте!
Да, потфрливте како влада, а со тоа го ставивте здравјето на граѓаните во опасност.
Да, во опасност со вашата неспособност и незнаење.
Но што може да очекувавме од Влада која ја води технички премиер кој е послушник на човек кој си го продаде името на сопствената држава, а наскоро на продажба ќе го стави и мајчиниот јазикот, секако доколку му дозволите.
Министер за здравство во улога на портпарол кој секојдневно го чита бројот на заразени и починати без тронка совест дека и тој е дел од одговорноста. 101 заразен од кои тројца и во нашата општина.
Градоначалник кој во време на вонредна состојба си води партиски агенди, крие што се случува со општествениот имот, за да после 20 дена собере храброст и излезе да ја соопшти “неговата верзија” на оние на кои им служи и го гласале.
Но тоа е за жал.
Премногу сконцентрирана власт на едно место во субјекти кои неможат да се носат со одговорноста од таа власт.
На сосема друга страна имаме кандидатка за пратеник од истата партија, која наспроти препораките упорно дели рекламен материјал на граѓаните на општина Пробиштип, загрозувајки го сопственото здравје и здравјето на граѓаните, држи “караоке” прес конференции во кои дели обвиненија и ги обвинува сите политички неистомисленици за тоа што не биле казнувани граѓаните?!
И сега, ние – граѓаните на општина Пробиштип сме несовесните?
И министерот за внатрешни работи Чулев е крив за ова што ни се случува? Виновен бидејќи: “не ги казнувал граѓаните за нивната несовесност”?
Која ароганција.
Не господа од СДС, не продавајте магла!
Вие не сте во борба против вирусот! Вие сте во борба против сопствениот народ!
Вие сте во борба за глас повеќе и спас на вашите функции.
Почитувани граѓани на општина Пробиштип.
Ние како општински комитет на ВМРО-ДПМНЕ во Пробиштип и јас како кандидат за пратеник во ИЕ 3 не сме од оние кои делеа флаери за време на пазарен ден.
Ние не сме од оние кои се сликаа како делат пакети помош, злоупотребувајќи го црвениот крст во политички цели.
Ние ја сфативме сериозноста на целата состојба и од самиот почеток укажувавме дека не треба да се политизира целата оваа ситуација.
Во целата оваа ситуација, изборите се споредна работа за нас. И токму поради тоа потребно е да се стави здравјето на граѓаните пред се.
Вие господо од СДС отидовте дотаму да покрај политички, успаевте дури и верски да ги поделите и да ги обвините граѓаните дека се несовесни, поигрувајќи си со нивните верски чувства.
Сфатете веќе еднаш дека не е време за изборна кампања, кампања која вие ја водите. Изборите во овој момент се далеку од нас. Сега е време да си помогнеме самите на себе и да продолжиме да ги почитуваме мерките за заштита бидејќи е очигледно дека со ваква несериозна локална и централна власт граѓаните се оставени сами на себе и на својата одговорност и совесност од која зависи дали ќе излеземе од оваа пандемија како победници.
-Фејсбук статус на Д-р Маријан Миленковски од Пробиштип
