Претставници на Општина Струмица од Република Македонија службено го посетија регионот Валенсија во Шпанија.
Целта беше вклучување во конзорциуми на тековните повици за грантови од Европската комисија, а во фокусот беа програмите Хоризонт 2020, Косме 2014-2020, Лајф+, Интерег 2020, како и Еразмус+.
Присутни беа претставници на компании од секторите туризам, дрвна индустрија, енергетика и термо техника, рециклирање и производство на гума и гумени производи, вода и производство на вода, сектор за старт ап компании и мали бизниси, како и претставници на невладиниот и јавниот сектор.
При неколкудневната посета, градоначалникот Коста Јаневски оствари средби со градоначалници и заменици градоначалници на градовите Кастелон, Валенсија, Аликанте и Елче.
На средбата беа договорени идни активности и соработка помеѓу општина Струмица и шпанските партнери за користење на средствата од ЕУ фондовите и грантови и посебна поддршка во проекти за приватниот сектор во соработка со академскиот сектор, како и училиштата кои во фокусот ќе ја имаат програмата Еразмус+.
Делегацијата посети и неколку универзитети, приватни компании и бизнис центри . Според градоначалникот Јаневски, општина Струмица многу брзо ќе го почувствува бенефитот од оваа посета.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар