32 години од формирањето на ВМРО-ДПМНЕ и 129 години постоење на ВМРО.
Денеска партијата која што е континуитет на историското ВМРО ја прославува годишнината од своето формирање во 1990 година.
Како плод на плурализмот ВМРО-ДПМНЕ беше формирана на денешен ден во предвечерието на распадот на Југославија и прогласување на независна и суверена Македонска држава.
ВМРО-ДПМНЕ е формирана на 17 јуни 1990 година, кога во салата „25 Мај“ денешен МКЦ е прогласено формирањето на ВМРО-ДПМНЕ, за прв лидер на партијата е избран Љубчо Георгиевки, тогаш е избран првиот Извршен комитет, кој тогаш бил наречен Извршен одбор, и било отпочнато формирање на општински секции. Ова е период кога уште формално правно, но и фактички постои СФРЈ, период во кој како што велат нашите соговорници било тешко да си ВМРО, тешко да бидеш демократ, да се бориш за владеење на правото и вредностите на цивилизираниот свет.
На конгресот на ВМРО-ДПМНЕ во Прилеп 1991 година е воспоставена препознатливата партиска инфраструктура, ИО преминува во ИК, а секциите во општински комитети, за претседател е реизбран Љубчо Георгиевски.
Во Кичево 1995 година на 10 Конгрес на ВМРО е прогласен континуитетот со историското ВМРО и се донесени бројни резолуции и декларации, за претседател е реизбран Љубчо Георгиевски.
По Љубчо Георгиевски ВМРО-ДПМНЕ го водеше Никола Груевски, по што во 2017 година на конгресот во Валандово го наследи актуелниот претседател Христијан Мицкоски.
Креирано од:
СЛИЧНИ ОБЈАВИ
Миџкалис Рохас се сретна со невладини организации за да го презентира Извештајот на Европската Комисија за напредокот на Македонија
Обвинение за организација на борби со кучиња
Лишена од слобода радовишанка поради лажна дојава за бомба во училиште во Радовиш, поднесена е кривична пријава