БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

„Ќе станам пак“ универзална порака преточена во новата песна на Стефан Давидовски

HTML Image as link Имате потреба од нов веб сајт?
An image from Squarespace
Пренеси го гласот

„Ќе станам пак“ може да значи нешто различно за секој од нас. Нов почеток, нова цел, храброст да направиме чекор напред или едноставно потсетување да продолжиме.

Токму таа универзалност е во центарот на новата песна на Стефан Давидовски, кој се потпишува и како автор на текстот.

Наместо да раскажува една конкретна приказна, песната остава простор секој слушател да ја пронајде својата приказна во неа.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

„Мене ми е особено драго што ‘Ќе станам пак’ може да значи нешто различно за секој слушател. Не сакав песната да биде само моја лична приказна, туку секој што ја слуша да може да пронајде дел од себе во неа. Мислам дека токму тоа е една од најубавите работи кај музиката ,,иста песна да допре до различни луѓе на различен начин“, вели Давидовски.

Музички, песната започнува интимно, со пијано и вокал, а потоа постепено се развива кон поширока и подинамична завршница во која посебно место има детскиот хор.

„Детскиот хор е еден од моите омилени моменти во песната. Детските гласови во финалето ѝ дадоа посебна чистота и надеж и токму тоа сакавме да остане како чувство на крајот“, додава Давидовски.

Музиката, аранжманот и продукцијата се на Мартин Данчев, текстот е на Стефан Давидовски со придонес на Новица Коцев, а мастерингот го изработи Дарко Димитров. Во песната учествува Детскиот хор при ООУ „Кузман Јосифовски – Питу“ од Скопје, под водство на Вера Ангеловска.

Официјалниот видеоспот ја продолжува истата идеја преку минималистичка сценографија, бели платна, ракопис и светлина. Концептот и режијата се на Just Alex, а камерата и видеомонтажата на Ангел Павловски.

„Ќе станам пак“ е достапна на YouTube и на музичките стриминг платформи.

Креирано од:


Пренеси го гласот