Во текот на изминатиот викенд во делчевско беа евидентирани неколку помали пожари и еден голем шумски пожар нпредизвикани главно од човечко невнимание.
Поголем шумски пожар беше забележан вчера (недела) после пладне во атарот на село Тработивиште покрај реката Желевица каде беше запалена сува трева која се закануваше да зафати поголем дел на борова и останата листопадна шума.
Навремената реакција на надлежната ТПП Делчево-служба овозможи брзо локализирање на пожарот и негово ставање под контрола во доцните вечерни часови.
Во текот на саботата беа евидентирани неколку помали пожари во атарот на село Вирче а во текот на вчерашниот ден истотака беше забележан помал пожар во село Град.
Причинители на ваквите пожари најверојатно се невнимателни и несовесни граѓани кои вршеле чистење и подготовка на своите имоти за годинешнава сезона.
Во тек се подготовки за обработка на земјоделски површини ширум Брегалничкиот регион, вклучително и Пијанечката котлина, со што дел од земјоделците ги палат минатогодишните стрништа, меѓи обраснати со сува трева и останата вегетација. Ваквата пракса е забранета токму поради причините за појава на неконтролираното ширење на оганот, во услови на ветер и суво време.
Креирано од:
СЛИЧНИ ОБЈАВИ
Стоп за досегашната фушерајска изградба на градежни работи во Делчево
Починат 47 годишен жител на с. Лаки, виничко донесен во Брзата помош во Виница
Драган Ковачки во присуство на членови на Патриотскиот институт на ВМРО-ДПМНЕ одаде почит пред спомен плочата кај месноста Свиланово, кочанско каде загинал Никола Карев